【失敗小故事】失敗像極了棉花糖

我有一個夢想,就係推動關注快樂嘅文化。我嘗試過唔同嘅方法,拍片、做講座、甚至去外地訪問不同國家嘅人嘅快樂之道,但效果都未如理想。每一次我以為將理念解釋得好清楚嘅時候,得到嘅回應通常都先係客氣嘅微笑,之後就係一臉迷茫問:「好有意義嘅諗法,但係其實係做咩架?」

為左令到理念更加落地,我決定舉辦一個香港快樂節 —— 一個平台提供親身體驗「快樂」嘅機會。我參加各樣嘅基金起動比賽,屢敗屢戰。終於,俾我揾到一個機會!我可以免費借用中環海濱場地一日搞香港快樂節,合作伙伴都聯絡好,活動訂喺2020年陽光普照嘅8月舉行。

然後,疫情2020年1月喺香港開始爆發。

然後,就冇然後了…

當初嘅失敗經歷,中間發生左咩事(轉捩點)令你有唔同嘅睇法呢?

然後冇了然後,我嘅滿心期待、憧憬頓時泡湯。我以為,經歷多次嘗試,終於可以初嚐實踐嘅機會。點知…

我好失落。

雖然我知全世界人同我一樣都因為疫情打亂左計劃,但係始終難免覺得洩氣。

直到,有一次與朋友閒談,講起疫情底下好多計劃都延誤咗,但係反而可以慢落嚟,更專注做好每一件事。我開始諗,或者今次快樂節搞唔成,都俾左我機會去準備得更加充足,未嘗唔係一件好事。

失敗好似棉花糖咁,一食落口就覺得好甜,味道甜得凝結在喉嚨,令人不舒服。但係好快隨着棉花糖溶化,連個味道係咩都已經記唔起。最後,食過棉花糖呢件事,都只不過係一個記唔起嘅曾經…

失敗博物館
Privacy Overview

This website uses cookies so that we can provide you with the best user experience possible. Cookie information is stored in your browser and performs functions such as recognising you when you return to our website and helping our team to understand which sections of the website you find most interesting and useful.