失敗有如生蛇，係一種警示，有苦痛，要經過治療，更會留下疤痕。佢就要你謹記從中汲取到乜教訓，學會點樣再去應對相似嘅問題。
可唔可以分享你最深刻嘅一次失敗經歷，講下當時點解會覺得「假使世界原來不像你預期」？
大學畢業後喺同一行業工作，超過十年。自問工作態度謹慎認真，同事上司都相處融洽，唔多出大問題。
有次處理一個Project 盡心盡力，仲揭發到供應商生產同品質都出現問題，為咗保護公司利益，將件事如實報告。
點知原來公司入面，有人同哩間供應商有關係，而公司高層仲要信哂佢哋，有確實証據都唔理，仲要俾相關人士反屈返轉頭，指控係我處理不當。
當初嘅失敗經歷，中間發生左咩事（轉捩點）令你有唔同嘅睇法呢？
當時心情真係跌到低點，仲好大壓力，搞到生蛇。
哩個係一個身體俾自己嘅警告，哩間公司唔啱我做，所以馬上搵個份新工後即刻辭職。
面對失敗嘅時候，第一時間應該做d咩好呢？
冷靜落嚟，同親朋好友傾訴，搵返自己嘅初心，再搵方法去面對解決。